Dwarsskop vir Liefde

Stukkend kan heel
Rou lyk nie altyd soos hartseer nie. Rugbyspeler Mercedes Nel soek wraak en geregtigheid. Haar broer raak beseer in 'n hoogs mededingende wedstryd teen Nieu-Seeland se top klubspan. Mercedes besluit die haka is die stoker van aggressie. Gedrewe deur 'n misplaaste lojaliteit begin sy 'n anonieme veldtog om die haka te verbied voor die volgende wedstryd in Johannesburg-en fokus veral op Jason Te Hira, die Knights se sterspeler en All Blacks speler.
Toe die noodlot-en 'n besering-Mercedes uit die spel neem, word sy vir 'n rugbyklub PR-projek in Pretoria met Jason gekoppel. Hy weet nie dat sy die een agter die mediastorm is nie, die een wat sy kultuur aanval nie. Mercedes het nie die moed om dit aan hom te bely nie.
Jason wil op rugby konsentreer, maar die tyd wat hy spandeer met die vurige Mercedes lok hom nader. Daar is meer aan haar as wat hy verwag het - en meer om te verloor as hy vir haar val.
Terwyl vonke spat en gevoelens verdieper, moet Mercedes besluit of sy haar geheim beskerm, of alles waag vir die waarheid. Want die grootste "tackles" in die lewe gebeur nie altyd op die veld nie.

Dwarsskop vir Liefde is 'n vyande-tot-meer sportromanse-novelle in die Spelbrekers reeks wat fokus op die Jacaranda Braves, 'n fiktiewe professionele vrouerugbyspan in Pretoria. Hierdie boek volg Doelskop vir Liefde waar die tweeling se storie begin.

Hierdie reeks is met trots opgedra aan ons werklike heldinne, die Springbokvroue-rugbyspan, ter viering van hul reis na die 2025 Wereldbeker.

Elke boek kan op sy eie gelees word:
Skepskop vir Liefde deur Francine Beaton
Afskop na Liefde deur Elsabe Welman
Doelskop vir Liefe deur Vida Li Sik
Dwarsskop vir Liefde deur Vida Li Sik